Punëtorët e Njësisë së Ndriçimit të NPL “Përparimi” kanë realizuar me sukses instalimin dhe vendosjen e sistemit të ri të ndriçimit në stadiumin “Musa Abazi”, duke kontribuar në përmirësimin e infrastrukturës sportive dhe krijimin e kushteve më të mira për zhvillimin e aktiviteteve sportive.

Ky investim rrit ndjeshëm cilësinë e ndriçimit në stadium, duke ofruar siguri më të madhe dhe dukshmëri më të mirë gjatë stërvitjeve, ndeshjeve dhe aktiviteteve të tjera që zhvillohen në orët e mbrëmjes.

Përmes këtij angazhimi, Njësia e Ndriçimit dëshmon përkushtimin e saj në mirëmbajtjen dhe modernizimin e infrastrukturës publike, duke punuar vazhdimisht për të ofruar shërbime cilësore në dobi të qytetarëve dhe komunitetit sportiv.

NPL “Përparimi” mbetet e përkushtuar në realizimin e projekteve që përmirësojnë hapësirat publike dhe krijojnë kushte më të mira për zhvillimin e sportit dhe aktiviteteve rekreative në komunën e Vushtrrisë.